Энэтхэгийн Бихар мужийн Чампараны цагдаа нар есөн хүн идсэн барыг буудаж устгажээ. “Чампараны хүн идэгч” гэж нэршсэн уг араатныг авлах ажиллагаанд Цагдаагийн 200 гаруй алба хаагч оролцсон байна.

Уг бар нь Валмики барын дархан газрын ойролцоох тосгодыг аймшигт автуулаад байжээ. Дэлхий дээрх бүх зэрлэг барын 70 хувь нь Энэтхэгт амьдардаг.

Улсаас барын тоо толгойг хорогдуулахгүйн тулд дархан газруудыг байгуулсан ч идэш тэжээл хомс байдлаас болж хил хязгаараа зөрчин ойролцоох хот тосгодын гэрийн тэжээвэр амьтад руу дайрч, заримдаа хүн рүү ч довтлох тохиолдол гардаг аж.